Eguneroko bizitzarako eta bizitzako egoeretatik ikasteko erabiltzen diren bitartekariengatik.
Nola ikasten den ikasten dena bezain garrantzitsua delako.
Orainarte ezagutu dugun ikaskuntzaren aurrean eredu eta erdigune bihurtzen delarik.
Aldatzen ari den mundu honetan hezkuntzak ezin du bizitzeko moduak zein ezagutza geureganatzeko moldeak suposatzen duen iraultzatik bazterrean mantendu. Gaur egungo eskolari erantzuna eskaintzen dio La Sallek. Pertsona kokatzen du erdigunean eta gizabanakoaren talentuetan jartzen du indarra. Mundua eraldatzeko baliabideak emango dizkion trebezia eta konpetentziak bereganatzeko aukeren bila dihardu etengabeko lanean.
ITBk norbanakoaren dimentsio emozionala, dimentsio kognitiboa, gorputz dimentsioa, dimentsio soziala zein dimentsio espirituala abiapuntu harturik, pertsona bere ikaskuntza-irakaskuntza prozesuaren protagonista gisa proposatzen du.
Esanguratsuak diren esperientziak bizitzeak, ezagutzak emateaz gain, nortasunaren eraikuntzan ekarpen ezinbestekoa bermatzen du.
Ikasketa kooperatiboak ikaskuntzatik bertatik ezagutzaren esperientziak interpretatzen eta barneratzen laguntzen du.
Ikaslea bere formazioaren zein hazkuntza pertsonalaren protagonista bihurtzen da etengabeko hobekuntza bideratzen duen ereduan.
Ikaskuntza prozesuan bitartekaria da hezitzailea, ikasleen bidelaguna.
Printzipio pedagogikoak ditugu gidari, gure proiektuaren oinarri eta adierazgarri. Kalitatea eta balioa dakarkiote gure egitasmo hezitzaileari, haien gainean eraikia baita. Printzipio pedagogikoak dira, finean, Ikaskuntza Testuinguru Berriaren (ITB) muina, egungo gizarteak egiten dizkigun eskakizun berriei emandako erantzun bateratua.
Ikasteko eremuak curriculuma modu integratzailean artikulatzeko aukera ematen duten ingurune didaktikoak dira, elkarren artean konektatuta daude eta ikaskuntza hainbat ikuspegitatik eta testuinguru propioen bidez ziurtatzen dute, eskolan ezagutza errealitate berrien bidea zabaltzeko.